اتمام الصفقة

aham 7aja bech yemchi il closing s7i7 w tkoun nessbet naje7 il3amaliya w dakhel chakhs rapidement enou mar7let prospection temchi s7i7a 

w mba3ed ma invitit chakhs lil presentation w saretlou presentation w suivi fi zoom numero 1 

w ba3dha saret 2 eme suivi li madhabik houni ta7kilou 3ala montej belgdé w t5alih yetdhrab fi montej mo3ayen 

5ater chakhs akid ba3d matfarej fil presentation 3ejbatu fekra ama il7ayra mta3ou floussou win bech y7othom donc matemchich ta3tih catalogue w kahaw 

de pref tchoufou howa chnowa akther produit yemchi m3ah w ta7kilou 3lih w tassna3lou ra8ba enou yjareb montej 

ba3dha tji mar7la enou ta3melou suivi akher li normalement itha ken c bon 5alit chakhs 3andou thi9a fil charika w thi9a fil business enou ywassel w thi9a fi rou7ou ynajem yenja7 

w thi9a fil coach mta3Ou li howa inti w thi9a fil montej w 3ejbou produit mo3ayen wallé pack mta3 des produits 

donc wa9tha w9ayet CLOSING

les etapes mta3 closing : 

1) zid lawej ken 3andou sou2elet okhrin chnowa mazel t7ab ta3ref ? 

2) chnowa t7ab na3mlou tawa 

3) en tant que professionel fil business w ba3d wa9t li 3adineh m3a ba3adhna kol wena nwari fik fil projet w les videos w kol chay es que n3amel 3Lik fil 3 yem jayin tetsaref  bech nebdaw nekhdmou m3a ba3adhna yed fil yed w ktef bel ktef  w nousslou lil ahdef li 2a7na n7abou 3lihom ? 

sou2el lowel chnowa t7ab ta3ref houni momken ya3tik barcha ass2la li normalement jawebt 3lihom fi suiviyet lokhrin 

sou2el theni normalement houni bech yebda ya3tik e3tiradhat kif ma3andich flouss tawa , 5alini nzid nfaker , 

itha 9alek ma3andich flouss tawa 

win mochkeltek fil flouss bel dhabt 3andek mochkla m3a 200 dinars 8alya 3Lik ?? 

9alek howa oui ? 

t9oulou bahi ken jet chtar soum tnajem tkoun la7kaya mazelt 8alya 3lik ? 

ken 9alek oui 

t9oulou ken jet chtar soum la7kaya n9oulou 70 dinars najemou nebdaw tawa ? 

ken 9alek non 7atta 70 ma3andich 

=> t9oulou bahi na7i ilflous mel 7kaya hal inti t7ab tekhdem fil business hatha 3al lekher juste 3andek mochklet flouss ma3naha ? 

ken 9alek ay 

9oulou chnowa rayek lawken na3tik astuce tnajem todkhel ma8ir 7atta frank w bel3aks todkhel winti rabe7 flouss moch khasser 

n9oulik kifech ? 

t9oulou bech nebdaw baham 7aja fil business liste de contact kif li yekhdmou biha les centre d'appel itha tfare8 mo5ek fi liste bahia mta3 assami fiha 150 chakhs hathaka chnowa 7achetna bech 

nousslou grade manager 

chnowa rayek lawken nwarik kifech tektebha men hné lin ywali 3andek flouss w na7kilik 3al assrar mta3ha 

... 

ba3d maykamel yekteb liste fiha 150 noms wa9tha 9oulou hez catalogue w barra bi3 lil hot liste wallé t9oulou zada barra daber flouss men 3ayeltek 

w 2a3tih les offre li mawjoudin fil paiment manetsawerch enssan 3adi ma3andou 70 dinars w maynajemch yesstathmerhom fi domaine 9ader
y5altou il 25 malyoun fi chhar w 9ader ya5eth menou telifoun w pc w tablette w karhba BMW serie 1
blech manetsawerch allahoma mou3a9 dhehniyan walla 3andou mochkla nafsiya wallé inti
ki 7kitlou ma3andekch thi9a fi rou7ek :)

***************************

itha 9alek 5alini nfaker 

9oulou ena houni consieller ya3ni mohemti n3awnek bech tfaker 2a3tini chnowa ilèajet li 5ayef menhom wallé 7ajet li t7ess li momken yssiroulik fihom machakel mel business hatha 

wena 3an tari9 khebra mta3i metwadh3a najem njawbek 

=> houni 3adatan mazel ma3andouch thi9a fi 7aja mel 7ajet donc thabet es que les suivi t3adaw s7a7 wallé 

ama 9oulou wa9tech narja3lik nal9ak c bon kamelt fakert ilyoum 8odwa jom3a jaya , chhar jay , 3am akher , 2050 , 2055 ? 

howa bech yadh7ek houni w y9oulik lé men hné li lil wallé 8odwa grands max houni ta3tih il cas d'urgence 

cas d'urgence yetmathel fi promo mta3 produits wallé promo mta3 dakhla ama 2a9wa cas d'urgence tessta3Melha hiya formation tchawe9 3Liha 3al lekher w ta3melha edification nar w 

w arja3lou fil wa9t li 9alek fih arja3li w akid howa wa9tha 5amem li machrou3 hatha moch mta3Ou :p 

9lil li y9oulik tawa narja3Lik w yarja3lik berassmi 

mais n9ulou nessbethom 30% donc il7al ki y9oulik sayebni khali n5amem jamais tsaybou tzid trakebhalou fi rassou w kamel 2a9ra article bech tzid tefhem 

********************************

itha ken chakhs bdé yetboulid m3ak ya3ni inti bdit tadh7ek m3ah mel lowel w makontech serieux 

****************

itha ken chakhs 9alek ma3inich fih ilprojet hatha ... ma3naha rak ma3meltech prospection nans7ek arja3 lil prospection 

witha ken 3malt prospection maylzemch tejri wrah juste houni 9oulou ena rani li 5alani n9oulik 3al projet hatha 5aterni na3rfek messt7a9 forssa w taffih tawa yarja3lik wa7dou 

*****************

bech yess2lek zada kifech nebdaw ? 

na3melek agence m3a charika donc lazemni les info nécessaire kayenek bech ta3mel compte facebook 3adi juste zayda  photo de carte d'identité recto verso bech ynajmou ysouboulik floussek fil banka ou fil bousta 

mba3ed bech n3adiwlik commande 3ala dhaw9ek tnajem les produits tbi3hom 5ater charika bech ta3melek remise meli todkhel w ena nans7ek inik inti tesstahlekhom bech ta3ref ta7ki 3lihom 

mba3ed w twali terba7 flouss menhom 

ba3d matjawbou fi ni9at hathouma kol 3awed ess2lou chnowa t7ab na3Mlou tawa 

moula7dha 0  : fil closing dima madhabik 3inik fi 3Inou w korasstek w stylouk 9odemou w metbassemlou fi wejhu w tna7i ilmacha3er mta3ek kollll tekhdem ken bmo5ek  

ya3Ni la tetfa3el la tetnarvez dima fixi mokhek kifech bech tjawbou b2a9al kelma w bakther ma3na w dima klemek li t9oulou t5alih yemen bel projet akther 

style enik inti tkoun positive w t9oulou khouth fiya thi9a , het n7outou ilyed fil yed , na7na m3a ba3adhna najmou nenj7ou .... 

 

moula7dha 1 : fil closing 2adhreb il 7adida wahwa 7ami mat5alich il8odwa lazem direct doub may9oulik haya t3adilou son compte wil commande w mba3ed matemchich tansseh direct ta3mel M3ah randez vous planning meeting ba3d nharin 

moula7dha 2 : madhabik t5ali ilenssen mo9tane3 ki yodkhel m3ak  t7awel ta7kilou 3al camp w twarih 9owet les formation tchaw9ou 3Lihom 

w ta3tih des videos w twarih 9owet produits w ta7kilou 3al vision mta3k win t7ab toussel bel business 

moula7dha 3 : 2aham 7aja bech yemchilek closing mezyan w mrigel t5ali chakhs far7an m3ak ya3Ni itha y7ab ilmad7 ta3tih chwaya mad7 , 2a7kilou 9essa wallé nokta t5alih howa yefhem il3ebra 

wa9tha y7essek berassmi coach w te3Jbou il9a3da M3ak 

moula7dha 4 : madhabik ilclosing maydoumech barcha w tkoun inti mazroub w serieux w mrakez 3al lekher 

moula7dha 5 : mat7awelch tkather barcha mel klém rahou you7el m3ak w matejbdlouch ilmachakel ki yofr8ou les question mta3ou direct khalih ya ysajel w Y3adi commande bel wa9t ya t7otou fi action yekteb name liste ya y9oulik lé w houni t9oulou yechri men 3andek montej bech matokhrej yedek fer8a