بيع المنتجات

Methode Training and Support (tari9et da3m w tadrib) 

Moula7dha 0 : methode hathi temchi illa m3a Hot liste 

chma3naha hot liste ? *
la3bed li yetsamaw hot liste homa la3bed 9rablik w s7abek 3al lekher 
* ness li t7ab 3lihom mziya wallé t7ab 3lihom flouss
* la3bed li yrsst7a9ou ilmontej 
* la3bed 2a9arbek mel om w mel bou 
* sou7abek intime  
kifech na7ki 9essti fil vente ? 
1) ta7ki 3ala wadh3Iytek tla5essha fi kelmtin (ena ta3refni nekhdem wallé na9ra fil 7aja foulaniya ) 
2) ta7ki 3ala mochkeltek ( w dernierment 7assit rou7i met9ale9 enou ilwa7ed wallé ma3adech 5alet ... ) 
3) ta7ki 3ala il7al li l9itou ( yakhi bdit nlawej fi 7al w dernierement l9it 7al y3awen fiya w 9a3ed n7awel nkhalih y5arejni meli ena fih ) 
chniya tari9et support 
=> inti ta3ref ay machrou3 awel ness normalement t3awnek sou7abek w 7babek w aka3lech jitek bech tkoun awel client 3andi w tjareb men 3andi 7atta produit wallé zouz 

=> itha ken chakhs ma7abech tnajem ta3tih cadeau tawa marra jaya ywali yechri men 3andek bessif 

ba3d matbi3 lil 9rab mta3ek lazem tebda tjabre fil methode plus professionel li metkawna men 4 mara7el 

ama 9bal matebda tet3alem fil 4 mara7el lazem tkoun jarebt fil methode training and support bel gdé w tebda 3andek ness mjarba produits w tebda metfarej 3ala des videos ya7kiw 3al produits 

w tkoun fahem produits w 3andek barcha adella  

fil vente fama 4 mara7el :
1) Hooking 
li howa jomla lowla li bech tched biha chakhs lil montej li t7ab tbi3houli
iljomla hathi lazem tkoun 9ssira w jatheba w thkiya w mo8riya w kol chay

exemple : ena kalemtek bel dhema 5aterni dernierement bdit fi projet m3a charika tassna3 fil les complément alimentaire winti na3rfek t7ab tna7i dokhan men 7yatek ki sma3t li fama produit ynajem ywalmik jitek bel dhema

2) wassf montej
houni toussef montej chnowa 7ajet bahia li fih w chnowa yenfa3 wallé mnadhrou il5ariji kifech bedhabt bfaçon to8ri biha chakhs bech yechri

mithel produit li jitek 3ala 5atrou nejri sme3t barcha ness na7alhom dokhan w ya3mel vidange lil bdan tandhifa lil ilmana3i lil bden w jihaz hadhmi 7assilou tal9a rou7ek rja3 badnek t9oulich 3lik ma3omrik matkayeft t7ab nwarik kifech ? 

3) Dalil

* Ta3ti prospect ilProduit ychoufou , ychem ri7tou , ydhou9ou , yessma3 tchalbi9a li fi dabouza , 5alih yrakez m3a zin dabouza

* Tehdi testeur li chakhs yjarbou 

* Ta3ti video yetfarej fih chakhs ama 9bal mata3tih video chaw9ou bech yetfarej fi kol chay 

* ta3tih catalogue ama catalogue dima mafihech kol chay madhabik 3andek dalil akher li howa 9esstek m3a montej 

* 9issass montajet w témoignages 

4) closing

houni t9oulou ena 3andi commande fi thniya t7ebchi njiblik menou fi yedi ? 

chnowa rayek lawken tjarbou 9bal mayoufa stock ? 

es que inti berassmi t7ab tna7i dokhan w t7ab tebda tnadhef men tawa wallé t7ab tab9a haka badnek kol youm yemchi w yedamer ? 

ken jawbek n7ab nbatel t9oulou mala messta3ed bech ta3mel vidange il badnek nnjiblik mel produit w n9ouloulik mabrouk ? 

kifech tbi3 lil 3bed li te7chem menhom wallé 5ayef men radet fe3lehom ? 

tnajem tehdilhom cadeau sa8roun w fi nafs ilwa9t cadeau mezyan w m3ah catalogue charika wa9tha

chakhs li bech tehdilou yafra7 w ychouf catalogue w ya3mel commande men 3andek kbira